容祖兒演唱會｜台上驚爆「打開胸圍」　自爆被催：再唔搞就冇得生

容祖兒演唱會｜台上驚爆「打開胸圍」　自爆被催：再唔搞就冇得生

ticketbuynow。com

容祖兒34場的《ANOTHER SIDE...... JOEY · MY SECRET · LIVE》演唱會不經不覺已經唱了19場，祖兒病癒後愈唱愈勇，每晚都令觀眾回味無窮。上星期不少圈中好友也有前來捧場，如：Tyson Yoshi，魏浚笙（Jeffrey）、林家謙、甘比、李嘉欣、鄭希怡（Yumiko）及女兒梁浸浸、黃依汶及兒子陳真等等

每晚點唱及安歌部份，祖兒都跟歌迷大合唱，氣氛熱烈。昨晚大合照時，她扮「Zombie」（喪屍）跟觀眾大合照，非常搞笑，當陳真一聽到她扮Zombie就非常興奮，於台前狂扮不同動作，引得觀眾及祖兒都哈哈大笑。

為了不讓已購票觀眾失望，祖兒把本來安排好的休息期也放棄用作補場，所以每日除了用盡能量上台唱歌之外，她便馬上回家休息，而後台亦不再可以跟來訪的朋友打招呼，免得人來人往一不小心再受感染，「好多謝來睇騷所有朋友，不過公司驚我再病，所以就嚴禁我喺後台太開心，冇得同嚟睇騷嘅朋友影合照留念囉。好在朋友都明白同體諒，完騷入唔到嚟影相，但都有Send短訊畀我打氣，好溫暖同感動。」

最近好多歌迷都指祖兒太瘦，叫她多吃點東西，「依家51公斤，竟然係5年前做《Pretty Crazy演唱會》個磅數呀，好Crazy……已經都冇諗肥唔肥㗎啦，早午晚三餐，下午茶，完騷之後返屋企同媽咪宵夜，我食得落我都照食曬，因為我知道大家都唔會care我肥瘦，依家最緊要係有體力，身體健康，所以大家唔使擔心。」

她又在台上搞笑問大家：「做左廿四年歌手，係咪冇歲月痕跡？睇下條馬甲線，係咪好Fit呀？喺社會做咁多年嘢，我仍然相信世界係充滿色彩，相信世界係善良、好有希望同美好。之前有段日子，冇辦法要離開香港工作，錄左首新歌都冇辦法返來宣傳，同大家講下我對呢首歌感受。嗰陣自己喺跑步機上聽自己首歌，流咗兩滴眼淚，首歌畀左好多力量我，叫我唔可以放棄。我真係冇諗過首歌竟然唔返嚟宣傳都可以得到大家厚愛，五台兩星期連續雙冠軍，連Viu TV我都冇去過，都係兩星期雙冠軍，應該係我人生史上第一次咁好成績。好溫暖，好多謝支持呢首歌嘅所有朋友，多謝大家咁愛呢首歌，所以我同自己講，我可以返香港我就一定會喺舞台上同大家分享呢首歌——《東京人壽》。呢首歌教識我活在當下，珍惜現有，珍惜身邊一切。」

此外，昨晚在Talk位時祖兒分享了《狂野時速》之極速趕客新故事，因為觀眾反應熱烈，不停搭嘴，搞到氣氛非常歡樂，笑料無窮。祖兒笑講到多朋友都戥佢著急，「佢哋成日話，我再唔搞就冇得生㗎喇！」觀眾大叫：「點搞先？搞咩先？我喺度呀，結婚啦……」引爆全場笑彈，祖兒聞言忍笑答：「唔係呀，即係『搞掂』佢呀，哈哈哈！呢度好色情呀，我企返後啲先，哈哈… …」

ticketbuynow