陈歌
慶端陽 詞╱曲：陳明章 五月鑼鼓響半天 阮欲看龍船行河邊 人講塗牛嫂仔佇河邊 排一擔擔仔咧賣胭脂 五月鑼鼓響半天 阮欲看龍船行河邊 家家戶戶插榕枝 欲食肉粽愛買蓮子 炮聲響 龍船行 鑼鼓若響風浪會驚 鯽仔魚講伊無地覕 因為龍船咧搶紅旗 炮聲響 龍船行 鑼鼓若響風浪會驚 鯽仔魚講伊無地覕 因為龍船咧搶紅旗 五月鑼鼓響半天 家家戶戶慶團圓 算來算去是小過年 煎芋粿曲來刣戇豬 慶端陽 龍船行 買一罐燒酒款待親情 掔肉粽是飼溪魚 拜託你莫食屈原屍 慶端陽 龍船行 買一罐燒酒款待親情 掔肉粽是飼溪魚 拜託你莫食屈原屍 掔肉粽是飼溪魚 拜託你莫食屈原屍
【再會吧北投】 詞：陳明瑜 曲：陳明章 春夜的雨水滴落來 冷霜霜 滴佇這條無情的無尾巷 春夜的北投 是酒意 是回憶 是一朵花淪落的風塵 是三分酒意中的溫柔 來來來 牽阮的手 勸你一杯最後的紹興酒 阮沒醉 阮只是用阮一生的幸福舖著你的溫泉路 舖著這條破碎的黃昏路 [口白] 清水，帶著這群日本人客 來到咱北投 下昏暗，下昏暗是伊上歡喜的日子 下昏暗伊欲娶細姨啦 春夜的露水 是幸福 是怨嘆 抑是下昏暗三分醉的結婚禮 溫泉鄉有一蕊花 伊有情 伊有意 伊有心下昏暗欲嫁 只是毋敢講出伊的身世 來來來 牽阮的手 勸你一杯最後的紹興酒 阮沒醉 阮只是有一個姐妹伴 下昏暗欲離開溫泉路 離開這條破碎的黃昏路 祝伊幸福 免閤倒踮這塊冷霜霜的榻榻米 祝伊幸福 來來來 牽阮的手 勸你一杯最後的紹興酒 阮沒醉 阮只是用阮一生的幸福舖著你的溫泉路 舖著這條破碎的黃昏路
【陳明章_菊花開的時】 菊花開的時 阮攏會想起汝 想起汝瘦瘦的身軀 偎佇水牛邊 菊花謝的時 阮攏會懷念汝 懷念汝天真的年紀 親像可愛的花蕊 汝逐工牽著水牛 牽去山腳去吃草 擱一面看冊 看甲日頭落山 暗時返去煮飯飼豬 無閒佇厝後 擱會記給恁老父捧水洗面 汝實在有影友孝 烏鶖烏鶖嘎嘎啾啾 白鷺絲腳九九 水牛水牛黑白泅 跋落溝仔底馧豆油 後來水牛賣掉 阮看汝目屎一直流 恁阿爸閣欠人五十塊 煞借錢來阮兜 阮老父竟然給汝買起來作細姨 予阮真想欲哭 這是啥麼天年 阮真正想離家出走 菊花開的時 阮攏會想起汝 想起汝瘦瘦的身軀 甲活潑的智慧 菊花謝的時 阮攏會懷念汝 想起汝天真的年紀 親像花蕊遐呢美
