几首沪语方言诗

序曲 有一种音乐我希望能够寻着 用格律诗额形式拿伊写好 又勿至于封闭隑自家额世界 兴许可以让伊被众人看着 哦我可能是来隑白日做梦 日头下头额一切又是真额好看 搿乜么什应该忒我还是相干 可能伊拉会得忒岁月一道消失 空留我一搿仔瞎想八想额玩 我可以听着伊些搿辰光母亲讲 我一天到夜做日梦隑外头勃相 勿会得想着一乜事体一乜生活 实际浪也没错但是我觉着开心 当搿呼唤额声音变成功其他额人 我才真正觉着羞愧就像现在 哦但是我额变化隑所有人身浪 包括我现在讲额闲话我用伊追溯 心可能会得有额产出我拿伊记录 2023.1.8 生活 我居然忘记了今朝要做额事 我清晰额记得伊吩咐过闲话 我最好也忘记脱自家的计划 我现在去街道浪漫游自足 让风吹来隑身浪 让风吹 来隑红颜色搿屋顶浪额瓦片 我惬意仿佛长出了羽毛，漂荡 从此开始没目的额生活 2023.1.10 死额诗人 隑哪代也勿会有伲的房子 可能会得有乜地方对伲张开，我希望 只希望搿地方勿会是坟墓 我没办法进入坟墓额门 没办法隑门浪刻好我额生平 讲：搿里是个人，伊已经死脱 伊额生平是数字勿是朋友额拥抱 伲可以再一次逃跑但是勿是能够 寻着绿色额草坪，跳舞额朋友 远离父母，隑勿同程度浪带来的痛苦 是勿是可以再一趟称赞夸奖死 或者是又一次被搿种死额噩梦缠身 写出乜生额诗人统统嫌鄙额诗歌 哦……让伲承受，又勿至于被催坏 只是生额诗人没办法看下去伲额死 2023.1.10