Jakvn Bai Doohan i Afan Dain de Bucehe Baturusabe Wecerengge主持人台词
Jakvn Bai Doohan i Afan Dain de Bucehe Baturusabe Wecerengge
（Irgen i baturube ejetulere derengge wehe）sucungga aniya i minggan jakvn tanggv dehici aniya ci, musei gurun i dorgi jai tulergi bata be eljeme iseleme, irgeten i emhun ilire jai irgen i sulfan hutvri be bahaki sere jalin, yaya afan dain de ergen xelehe irgen i baturusa suduri bithe cagande enteheme gebu aljimbi!
Minggan jakvn tanggv ninjuci aniya bolori ujui biyade, Inggili jai Furangsi sere juwe gurun necinjihede, horonggo nimecuke poo miyoocan de nikefi, tiyanjin hoton de nushume dosifi, tanggu fiyanji be ejelefi, Beging hotonde isitala afame jimbi sehe.
Susai miter de isirakv onco jakvn bai doohan oci tiyanjin hoton jai gemun hecen i siden de bisire emu oyonggo karun seme, han i ordo i dergi ergide bihe damu karmame mutere karun kai!
Tondo gehun baturu kiyangkiyangga Senggerincin cinwang, doksin erinde hesebe alifi, jakvn gvsai ilan tumen coohabe dalafi, monggoi nadan minggan moringga coohabe yarhvdafi, beri tatame, loho jafame, tumen coohai gvnin be emu gvnin obufi, tulergi gurun i batade fafurxame funtuhe bihe.
Orin emuci inenggide, niongniyaha guwendeme morin incame, juwe gurun i cooha jakvn bai doohan i dergi bade faidame, coohai kiru xun i elden be daldame, gabtaha sirdan aga agara gese batai faidan de deyeneme, jakvn gvsai afasi sa, hoo hio seme batai faidande funtuneme, nadan minggan moringga cooha gabsihiyalame wanambi!
Cinwang ni hese wasibuci, tungken tvme buren burdeme, geren cooha tondo gehun seme, geren baturu horonggo badarangga seme, ayan edun burakixame, buraki toronde xun burubume, poo miyoocan de goibuha bicibe, funtunehekvngge akv, koro baha bicibe, jendui burulahangge akvngge.
Tondo baturungga banin abka nade ulhibume,
jurgangga jilihangge xun biyade ejebume,
gubci baturu bucerede gelehekv,
ilan tumen cooha burulahangge akv!
Jakvn bai doohan, si jilihangga saisai fafurxame afacahabe sabuhangge!
Jakvn bai doohan, si hoo hio seme daixahabe sabuhangge!
Jakvn bai doohan, si ilan tumen baturusai fayanggabe elbi!
Jakvn bai doohan, si songgome gerenofi de ala!
Nenehe jilihangga saisabe gingguleme ujeleme, baturu kiyangkiyan be wesihulefi, irgetende toktofi erhunjen bi, gurumboo teniken elgiyen etenggi obumbi!
Yadahvn yadalinggv oci toktofi basubume,
eberhun eberingge oci toktofi gidaxabumbi.
Xuwen horonggo oori sukdun be wesihulere be ulabu,
etenggi etuhun fayangga oron be weribure be erendu.
Tanggv susai jakvn aniyai onggolo daixaha baturusai fayangga mini, muse enenggi suweni jalin gasame kaica! Muse suwembe ing kvwarande urgunjeme okdoro!
Jakvn bai doohan i gebu be dahime hvla, baturusai fayangga bederekini!
Jakvn bai doohan i gebu be dahime hvla, baturusai fayangga enteheme weihun okini!
Juwe minggan juwan jakvci aniya ilan biyai gvsin emuci inenggide, Beging hotonde bisire jakvn gvsai enen juse songgohoi gingguleme arambi.
naiman gajariin ho’o’rgnei daind ni no’gchso’n baatarchuudiig tahih ni
Mianggan naiman juu do’chin ond hu’rtel, ter uyigeeseen dotood ba gadaad daisniig-ni eserej, arad tu’mnei erh cho’lo’o’ bolon aj jargaliig oloson temcheldeen no’gchso’n baatarchuud man urd mo’nh orshih baitugai!
Mianggan naiman juu jiran onai yisun sarad, Angli ba Franc geh hoyor ulus daisagnaj-irsend, tuunei ih puu ba chergiin ho’lo’g ongochondoon tu’shiglej Tianjin hotiig ejleed, Tanggu boomtiig bulaaj-avaad, nisleelees man dairaj-irsen baijai.
Senggerinchin chivang mongol manj geh hoyor ah duu undestnei chergiig man tergu’u’lej daisniig-ni esereed, gurvan tu’mnei cheriig man cho’m end no’gchso’n baijai.
O’no’do’r, Beeging hotondoon amdraj baiga manai naiman hoshuugin ach u’r niitlej tahilga tahij baina.
Naiman gajariin ho’o’rgnei daind-ni no’gchso’n baatarchuud man urd mo’nh orshih baitugai!
