川秋沙 - 少年花

川秋沙
专辑《人造沙洲》
歌曲《少年花》
彼丛盛开的花蕊　　鼻着咱思念的气味
阵阵淡淡的芳味　　彼段冲碰后的空虚
是光线太迷蒙　　　青春的日子亲像梦
过去犹原遮尔深　　牵绊咱这马的日子
怨妒少年时的面容　美丽单纯阁倔强
敢是花开正毋着时　怨叹阁稀微
昨日之时含苞待放　明日之时凋谢欲落
花开花落春风秋雨　人海茫茫浮浮沉沉
台罗
hit tsông sīng-khui ê hue-luí
phinn-tio̍h lán su-liām ê khì-bī
tsūn-tsūn tām-tām ê phang-bī
hit-tuānn tshóng-pōng āu ê khang-hi
sī kng-suànn thài bê-bông
tshing-tshun ê lit-tsí tshin-tshiūnn bāng
kuè-khì iu-guân tsiah-nī tshim
kian-bān lán tsit-mà ê lit-tsí
uàn-tòo siàu-liân sî ê bīn-iông
bí-lē tān-sûn koh kut-kiông
kám-sī hue-khui tsiànn-m̄-tio̍h-sî
uàn-thān koh hi-bī
tso̍h-lit ê sî hâm-pau-thāi-pàng
mê-lit ê sî tiau-siā beh lo̍h
hue-khui hue-lo̍h tshun-hong tshiu-hōo
lîn-hài-bông-bông phû-phû-tîm-tîm
歌词作者川秋沙成员林村宜。
此教育部推荐用字及台罗写法的歌词均系原创，有异议请批评指正，转载请知会，谢谢！