甄皇后《塘上行》粵白話詩轉譯

原文自己找來讀，基本上意思行行對應轉譯，原文換韻的話，粵語詩內也跟着換韻。
《喺池塘邊度行》
蒲草喺我池塘中生時，
佢啲葉幾咁繁茂雅緻。
若果靠你踐行到仁義，
重不如妾身自知己事。
啲人把口真係太犀利，
令到夫君你同我別辭。
諗起夫君離別我嗰陣，
我獨自一個就好怨恨。
夫君嘅形相周不時諗，
條氣鬱結傷脾又攻心。
經常記掛夫君咁傷身，
夜夜係噉無得好覺瞓。
唔好因爲豪賢嘅才華，
忘卻從前素來嘅珍愛；
唔好因爲魚肉嘅輕賤，
就噉拋棄蔥同野韭菜；
唔好因爲麻紙嘅價賤，
就唔要菅蒯嘅造紙材。
行出門口又係咁苦愁，
行入返屋更係添苦愁，
邊遠地方多有悲涼風，
吹得樹木都風冷颼颼。
跟咗夫君要自求快樂，
噉先延年益壽歲千秋。