《<河>賴和音樂專輯》歌词

一、【十日春霖】 賴和漢詩 吟詩：賴悅顏（賴和孫）；女聲：吳易蓁
心情俗化久無詩 墜落雖深卻不悲
要向民間親走去 街頭日作走方醫
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
二、【相思】 詩：T（賴和）曲、唱：擄姘
阮是兩人相親愛，若無說出恁不知；
阮著當頭白日來出入，共恁外人毋治大。
恁偏愛講人歹話，乎阮驚心不敢來；
娘子疑我甲伊歹，冥日相思真利害。
頭上貼著鬢邊膏，身軀消瘦可憐代；
伊正洗衫我返來，心頭歡喜無人知。
只為身邊人眾眾，不敢講話真無采；
恨無鳥仔雙箇翼，隨便飛入伊房內。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
三、【相思歌】 詩：懶雲（賴和） 曲：吳易叡　 　唱：呂美親
前日公園會著君，怎會即溫存？
害阮心頭拿不定，歸日亂紛紛。
飯也懶食茶懶吞，睏也未安穩，
怎會這樣想不伸，敢是為思君。
批來批去討厭恨、夢是無準信，
既然兩心相意愛，那驚人議論？
幾回訂約在公園，時間攏無準，
相思樹下獨自坐，等到日黃昏。
黃昏等到七星出，終無看見君，
風冷露涼艱苦忍，堅心來去睏。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
四、【呆囝仔】 詩：甫三（賴和）
改編詩、曲、唱：陳南宏 旁白：賴洝（賴和之子）
呆囝仔 不是物　一日食飽溜溜去
呆囝仔 不是物 勿會曉看顧恁小弟
呆囝仔 不是物　只管自己去遊戲
呆囝仔 人是不痛你
一日當當要討錢　三頓不食使癖片（使性子）
四秀挑來擔擔拑 呆囝仔 人是無愛碟
呆囝仔 不是物 愛穿好杉著較美
勿會曉保惜顧清氣 染到塗粉滿滿是
呆囝仔 會食竹仔枝
呆囝仔 不是物　無啥無事哭啼啼
呆囝仔 不是物　哄騙不煞人受氣
呆囝仔 不是物　要叫不敢就較遲
呆囝仔 無拍勿會改變
呆囝仔 不是物
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五、【浪漫外紀】 詞：呂美親　曲、唱：吳易叡　旁白：陳南宏
旁白：
人阮生性「浪漫」好名聲，毋通叫阮是「死鱸鰻」，
出力教示「毋成子」，清氣土地欲予人看。
溪邊彼畷竹排仔有宓人，欲閃避日本警察的法律縫。
怹是庄內出名的鱸鰻工，歡喜便做，毋願亦免相嫌。
怹的拳頭母搙真稠，有咱祖公仔勇敢的火侯；
有恩報恩情理夠，無仇逐家相看照，
講著捙拼，看啥人較摮！
大尾鱸鰻上蓋重義氣，小尾的有難咱著幫贊伊；
戴帽仔的阿本仔驍騑是一時，渡過風颱大雨，咱著出頭天！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
六、【月光】 詩：玄（賴和） 曲、唱：吳易叡
月光露水重，晚稻一定好，那知望花時，風颱忽來做，
粟粒勿結漿，空存稻仔稿，早冬著虫害，晚冬又收無，
頭家不減租，租管日追討，豆粕也到期，稅金不容逃。
當，無值錢物，借，無人敢保。
欠了頭家租，準是無田作，欠了官廳稅，抄封更艱苦，
牽牛無到額，厝宅賣來補。一家五六人，流離共失所，
景氣講恢復，物價起加五，錢又無塊趁，日子要怎度
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
 七、【稱花－寫予秦得參】 詞、女聲：呂美親　曲、唱：吳易叡
                          
妻：「參啊！賰的錢khiām起來，
kā阿嫂彼枝金花贖轉來，毋是較要緊？」
三頓藏無門，按怎通有賰？
過勞閣帶病，景緻迷茫一四界
浮輕的性命，沉重的社會；
贌幾坵田，贌幾坵田，才會種出稱花？
妻：「參啊！官符過煞，明年定著真緊會出運，
kā心肝放予較開咧。」
日夜攏算計，欲做人無欲做畜牲。
改途兼換路，無貪只有向望公平。
熱紅的心血，青草的補皮；
坐幾日監，坐幾日監，才會開出稱花？
妻：「參啊！只賰銀紙備辦，拗作蓮花代替稱花，送你去極樂世界。
你著khoaⁿ-khoaⁿ-á行，khoaⁿ-khoaⁿ-á行～」
新時代的制法，佇人間聽好創啥？
明瞭的度盤，繼續運轉奴隸拖磨。
甜蜜的會社，艱澀的人家；
借問大人，借問大人，稱花幾圓才會通糴？
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
八、【南國哀歌】 詩：安都生（賴和）改寫、曲、唱：陳南宏　
所有的戰士已經死去，只賰婦女佮子兒。
誰講這只是天大的奇變喔，誰講是起於一時，
人上珍重的就是性命，從來毋捌有人來將伊看輕，
這一擺會使咱的種族來滅亡，
佇怹的心內早就已經看明明。
佮怹仝款的遭遇，仝款生存佇不幸，
遐的驚死偷生的煞佇這屆血祭壇上，
意外得著生存，
誰敢相信這來來去去，就找袂出別款的原因？
「咱攏是歹命人！較緊走落山去！」
這是啥物語言？這是如何的決意！
是怨是讎？雖然不知，是妄是愚？哪著議論！
鬥陣戰到最後，敢是野蠻的血塊流？
是按怎的生不如死？突然間有這呼聲！
兄弟啊！來！來佮怹一拚！
憑咱的一身，憑咱的雙手！
免驚伊毒氣、機關鎗
免驚伊飛行機、炸彈
兄弟啊！憑咱的一身，憑咱的雙手！
所有的戰士攏覺悟來死去，
敢說怹真正野蠻無知？
看著鮮紅的血啊，就袂記一切的歡喜，
兄弟啊！咱到這個時候，閣有啥物生的快活？
勞動總是神聖的代誌，牛嘛只有按呢拖，
咱的婦女竟然是消遣品，咱的生活煞比狗較輸？
ta一個囝仔無天真可愛，鴨霸的怹煞來創治虐待，
算看覓咱所受痛苦，誰攏會感覺無限悲哀。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
九、【前進】 詞、曲、唱：擄姘　
在一個沒有星亮的晚上，駭人的黑暗籠罩著四方
有一對孤獨相依的夥伴，走在未知的道路上
不知站立的是什麼地方，不知什麼是方向
他們並不驚慌，因為有種直覺在呼喚
就是前進，朝著那未知的前方
不停地前進，為實現我們的願望
路上也許有荊棘，有暴風雨，但是我不怕.
只要並肩同行，一起前進，就會有力量
他倆沒有希求光明的意識，或得到自由的奢望
因為黑暗是如此濃烈，所以眼前就是方向
路上佈滿了石塊，泥澤，和水漥
但是比起身後的絕望，往前進就不值得害怕
讓我們前進，眼前的黑暗就是方向
勇敢的前進，因為前進才有希望
盡頭總會天亮，我們總有一天會到達
我們要互相提攜，互相信賴，幸福就在前方
在夢境的邊際，黑暗的邊境，
彷彿透出了一些光
睜開眼睛，看見了眼前前進的方向
他不自禁的走去卻忘了同伴落在後方
他大聲的呼喚，光明就在前方
快來跟上！快來跟上！快來跟上！
還是要前進，即使失去了夥伴，努力的前進，
即使路途孤單
前進才有光亮，才有方向，才會有希望
夥伴們快點跟上一起前進，就會有力量
前進才有光亮，才有方向，才會有希望
夥伴們快點跟上一起前進，就會有力量
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十、【河】 詞、曲、唱：吳易叡
我生不幸，淪落監牢，身犯何罪，代先犧牲？
時代困苦，若行山路，高低爬崎，崎嶇難行。
每一工，我面對鐵窗，三日坐，親像面壁九年人；
這身拼，面貌與世相違，心成灰，舉目人事全非。
何時才有，自由平等？何時才會，見著光燈？
人對地獄，才會成佛，我到監牢，才相信天。
誰知咱，逐人相爭塊看，親像戰士光榮倒轉；
無奈風雲，變化多端，遙望日沒，墜落西山。
歷史，親像一條長河，流過世事，渡過眾生；
無奈風雲，變化多端，遙望日沒，墜落西山。
鬥鬧熱合唱團的部落格：http://blog.yam.com/laiho/