自我碎碎念，6月27日
睇佐集花霖电台，好理解个嘉宾阿ben讲嘅经历，大概80%咁囖。其实明个位紧要系又ok处于呢个孤独状态（本源即一），又好渴望去搵到同其他游戏人物个共鸣位（组织）去产生个connection。叼，咪就又怪鸡孤僻反社交，又好撚中意同人倾计交流，直头就本人囖。
奈何Psychede1ic本身就小众嘢，有人求幻有人修真，有人戴住副有色眼镜当正班人系hippies遗风新一代垃圾人口。系啊，个世界系咁噶啦，冇乜好唔好啱唔啱，一元又多元噶。而个channel又HK咁粤语款，加之一米养百人，真可谓孤掌难鸣。不过都系要赞翻下花冧电台，记得有期阿张继聪都有上过去讲啲new age 嘢，几得意。
其实周边啲人大概点睇，我都大概feel得到，自己系乜撚样都明。冇错，过来hea嘅，但系hea嘅我唔系呢个宇宙嘅我，系海边嘅trip已经选择佐第条任务线所以来到呢度。but讲真，都希望可以遇到family囖。I mean 好似《sense8》果种family，超越血缘姓氏种族性别。如果有个咁嘅soul family，点解人类需要结婚生仔做牛做马？又或者话，做乜都得啦，有閪所谓咩。好玩个位系：想搵到组织就满足（同都市爱情故事少女心有乜实质区别？）同时隐约又有一把声或者话一种可能性系：有使命。而且随着一个个搵到佢地，条任务线会越发明朗，知道自己可以做乜应该做乜，学习帮助自己帮助他人。可能呢个就系自己hea又hea唔晒，吊住响中间噶元原因吧maybe。我惗人类只是沧海一粟，世界上有外星人好正常，有造物主有本源好正常。果啲觉得我地颠颠地嘅人，我惗佢地可能先系有问题嘅人。
btw做research过程发觉reddit有篇文cue到sense8同埋……得啦你地自己睇啦。
“现实，只不过是一种选择。”
系囖同埋有人会嫌《the wave》部戏浅，咁我个位有两层睇法。
一，以娱乐眼光来睇，穿越机制冇解释清楚个设定，恐有路人会直接贴“科幻”or“魔幻”tag，刻板印象某啲嘢。唔少人心理评分睇一半时已经基本敲定5到6分度。
二，理解佐部戏入面有Psychede1ic啲message位，就以为自己明晒，睇紧部飞片。呢部分人可能畀评分会再高啲。
咁其实都冇话对错，不过我就宁愿相信其当中包含了一些善意的高维信息（启发）。都好明点解男主角平时9下9下，但系遇到女主果下有啲追住上，除佐想在压抑情侣关系中出来呼吸下，撚痕啦，佢都系话follow紧内心个直觉，酒吧见第一眼就知就明就收到了信号。而呢个所谓真爱，以女主个“相”出现，都未必真系具体个人嘅，可能无非都系男主角内在投射出来嘅嗻。女主就似代表个宇宙带住信息咁来同男主倾计，提醒佢。其实咁讲，最正嘅恋爱咪应该同个宇宙谈？哈哈哈哈，我惗都冇几人明噶啦。算啦，随缘。
金字塔形状阶级都未必永久，时间到了就会脱落。
有小小挂住小妈，因为朱玲It's like 乍见之欢的初恋，而我未懂爱。同小妈系我开始明但系成日自己都做唔到就手指指教育佢（直男癌囖）。sure最后佢都明晒，但系已经分开佐各自有生活。可能唔系吧唔知咧，但我惗同小妈系最接近最接近，所谓爱情嘅一次。我记得分手之后隔佐一年半载，我地互相坦白道歉拍拖时伤害过对方嘅point。之后我发自内心同佢讲过一句话，佢系我灵魂家人，无论近或者远，早或者晚，我都希望佢会好，见到佢真嘅好我会登佢开心安心。系咁多先，祝佢同99都顺顺利利开花结果囖。
Ps：点解用粤语写？因为听完电台之后内心思考把声系讲撚紧粤语啊so
