問世間食色性也

情欲色香味完美演繹呢句孔子同耶蘇都講過的廢話. 而我睇到查實一波三折, 本來上禮拜睇, 想返穗探親, 將飛俾美少女睇, 自己改買尋日晚嗰場, 點知索女大頭蝦記錯日子, 滅時(錯過-miss粵音譯)咁好戲底佢情深緣淺, 我尋晚一坐低幾下板斧經已服咗導演, 技高人膽大, 將個三俗題材用形式主義, 整色整水玩大佢, I 服了 you....下暫刪三萬字.
                
                
                
                 今日都慘, 廠出貨, 好晚先到, 寄得貨來, 電影時間已過, 錯過嘅戲真正得三齣戲留低一代飛仔型男代表 占士甸先生名作 <<蕩母癡兒>> (伊甸園之東), 以及記錄兩位年少未必輕狂嘅少年故事 <<未夠秤>>, 經已第二次買飛, 第二次錯過, 事不過三, 明天下午我一定要實現我對自己嘅承諾!