由瑞郎引起嘅一点感触......

     好似我ED無知婦孺，對財經投資一向都毫無認識，對瑞士嘅銀行系全世界幾巴閉亦毫無興趣。不過今日，我的確想講講對於我ED中國草根百姓對瑞郎嘅小小感想。
 
      香港嘅改版十蚊因為其花俏畀港人笑為“花蟹”，而人民幣嘅顏色一向單調，顏色深沉，近年內嘅改版有小小明快嘅變化，但亦感到其嚴肅嘅感覺。
      我第一張收到嘅瑞郎紙幣，系二十蚊，玫瑰色，花花地。可能用慣左嚴肅嘅人民幣，習慣咗對“錢”嘅認真重要性，突然見到張粉紅色嘅銀紙，頓生好感，是誰說紙幣就一定唔可以太花俏嘅呢？
      生活下來，慢慢見曬從5分，10分，50分，1蚊，兩蚊到5蚊嘅硬幣，10蚊到20蚊，50蚊，100蚊，200蚊，直至1000蚊嘅紙幣。瑞士人真奇怪，有錢到1000蚊可以一張過，卻全民堅決唔取消5分錢嘅使用，我捻一個國家嘅幣值，最大面值系最小面值嘅2000倍，佢地嘅心態都幾得意。
      按照瑞郎兌人民幣1兌6嘅普通兌法，即系系瑞士最低幣值系人民幣三毫紙，最高幣值系人民幣六千。六千......即系陀住60張我哋最大嘅面值100蚊，人地一張“紫龍”搞掂。（我稱瑞郎1000為紫龍皆因其為紫色，價值又勁）
      瑞郎嘅5分錢，其成本就要6分。瑞郎嘅1000蚊，系全世界價值最大嘅單一張鈔票。瑞郎嘅重重防偽技術，到至今亦無其他貨幣可相比擬。從瑞郎，其實可見一斑瑞士同中國生活嘅差別。
      系廣州，假幣從十蚊到一百蚊系屢殺不絕，我自己收過唔少。大至開檔口面對各式各樣嘅欺騙手法，假美金假港紙假人民幣，小至夜晚打的司機有心找畀你嘅假銀紙。令老實嘅人心有餘悸，買賣時雙方時時刻刻要提醒精神睇清睇楚。影響到我系瑞士生活，仍然對到手嘅紙幣唔太信任。
      而我只不過住系瑞士嘅小鎮小村，經濟程度比zug、zurich、geneve依D富裕嘅城市低。但是小小嘅士多收一百蚊找續，D人系望都唔會望多下；哪怕系大型超市，都一樣系咁收，我完全未見過有驗鈔機依樣物體出現，亦唔見有人會將張銀紙左望右望。佢地嘅自然令我慢慢放低咗本來嘅警惕，當然我可以話系領教中國嘅假銀紙多先會有此顧慮。
    
    如果話100蚊系小意思，今日我第一次去銀行匯咗幾千翻中國畀媽咪。我細心留意左下工作人員，他們收1000蚊面值，竟然系同收20蚊無分別嘅，完全無驗鈔機，完全無懷疑過會有假幣。天啊，真不敢想象這個安逸富裕嘅國家仔，小鎮小村收幾千蚊都唔使check，咁蘇黎世ED每分鐘幾億上落嘅地方，系何其霸氣。可能系我系廣州身經百戰太多，神經已經習慣過敏了。想象到中國各種各樣惡劣嘅賺錢手法，如果依度有人有D不道德賺錢嘅捻法，可能一早發曬橫財了，他們不是太純情，只不過系生於安樂。難聽D講句，系中國太多情況系，窮山惡水出刁民。
    雖然中國已經好急速發展緊，中國有好多大城市，好多大規劃。而瑞士只不過系一個美麗的大農村。但系現實地比較瑞士同中國，你會發現系中國......
   好多男人中意去咩洗浴按摩夜總會，中意吃煙飲酒，中意戴一節節嘅金鏈金錶，中意一疊疊人民幣拿出來數錢，中意驚死人唔知佢有部最新款嘅手機，中意有咩飯局上搞掂......
   女人呢？中意系唔系都有個LV，GUCCI,CD為榮，最好由頭到腳都系進口貨，中意有個有錢嘅男友或老公，中意將自己塊面喬裝，中意扮成熟扮見過世面......
   OH...一個人嘅自卑，由物質上自大滿足自己，其實系好可笑嘅。
    初時，我會覺得瑞士人嘅生活方式好容易畀人穩笨，但系生活下來，你會發現，佢地不單不笨，而且無比聰明。
    佢地唔會用一半人工去買手機爲了炫耀，佢地唔會驚死人唔知佢有個LV周圍曬，更加無咩人會系club買成支洋酒來隊。
    佢地對房屋，對車，對運動，對旅遊，洗錢不吝嗇亦不高調，甚至有少少優雅，令你覺得，生活嘅素質系矜貴的，唔系愚蠢地浪費。
    
    夜深人靜，寫得跑題，不過總結一句：我愛瑞郎，哈。