歌曲《永遠的靠岸》，也是廣告MV

臺語/閩南語正字歌詞，以及逐字注音如下： *************************************************** 《永遠的靠岸》Íng-uán ê Khò-huānn 亂彈阿翔 Lān-thân A-siông ---------------------------------------------------------- 永遠只有一粒心 íng-uán tsí-ū tsi̍t lia̍p sim 吹著海風 tshue tio̍h hái-hong 看日頭落山 khuànn ji̍t-thâu lo̍h-suann 草笠仔戴咧咱頭頂 tsháu-le̍h-á tì teh lán thâu-tíng 吹著燒風 tshue tio̍h sio-hong 咱的汗水流 lán ê kuānn-tsuí lâu 心拖磨 sim thua-buâ 毋驚艱苦有偌大 m̄-kiann kan-khóo ū guā tuā 日日夜夜咧過去 ji̍t-ji̍t-iā-iā teh kuè--khì 慢慢漸漸你會捌代誌 bān-bān tsiām-tsiām lí ē bat tāi-tsì 心肝頭干焦有你 sim-kuann-thâu kan-na ū lí 向望你有一工 ǹg-bāng lí ū tsi̍t kang 你會出頭天 lí ē tshut-thâu-thinn 來到駁岸的港邊 lâi-kàu poh-huānn ê káng-pinn 吹著海風揣穡頭 tshue tio̍h hái-hong tshuē sit-thâu 逐工天公伯仔鬥保庇 ta̍k-kang thinn-kong-peh--á tàu pó-pì 期待未來會有好日子 kî-thāi bī-lâi ē ū hó ji̍t-tsí 海水流 hái-tsuí lâu 時間咧過 像咧飛 sî-kan teh kuè, tshiūnn teh pue 日日夜夜咧過去 ji̍t-ji̍t-iā-iā teh kuè--khì 慢慢漸漸你會捌代誌 bān-bān tsiām-tsiām lí ē bat tāi-tsì 心肝頭干焦有你 sim-kuann-thâu kan-na ū lí 向望你有一工 ǹg-bāng lí ū tsi̍t kang 你會出頭天 lí ē tshut-thâu-thinn 我是你永遠的靠岸 guá sī lí íng-uán ê khò-huānn 袂予你 揣無我 bē hōo-lí, tshuē-bô guá 我是你永遠的靠岸 guá sī lí íng-uán ê khò-huānn 袂予你 看無我 bē hōo-lí, khuànn-bô guá 我會骨力 共你晟大 guá ē kut-la̍t, kā lí tshiânn-tuā 我是你永遠的靠岸 guá sī lí íng-uán ê khò-huānn 袂予你 揣無我 bē hōo-lí, tshuē-bô guá 我是你永遠的靠岸 guá sī lí íng-uán ê khò-huānn 袂予你 看無我 bē hōo-lí, khuànn-bô guá 我會骨力 共你晟大 guá ē kut-la̍t, kā lí tshiânn-tuā 我會堅強 親像山 guá ē kian-kiông, tshin-tshiūnn suann 我是你永遠的靠岸 guá sī lí íng-uán ê khò-huānn 袂予你 揣無我 bē hōo-lí, tshuē-bô guá 我是你永遠的靠岸 guá sī lí íng-uán ê khò-huānn 袂予你 看無我 bē hōo-lí, khuànn-bô guá 我會骨力 共你晟大 guá ē kut-la̍t, kā lí tshiânn-tuā 我會堅強 親像山 guá ē kian-kiông, tshin-tshiūnn suann 我是你永遠的靠岸 guá sī lí íng-uán ê khò-huānn 袂予你 揣無我 bē hōo-lí, tshuē-bô guá ---------------------------------------------------------

音悅台→ http://v.yinyuetai.com/video/h5/482469 Youtube→ https://www.youtube.com/watch?v=vmiY36WKNDg