喂! 又有新想法, 大家睇吓掂唔掂?

今日忽然諗到, 不如揾 20-30 人出路邊曬太陽! 即係點呢!? 咪就當正路邊係沙灘呢! 搬埋沙灘椅去路邊坐 ~~~ 逐一出現, 一個人出現坐定定曬, 第二個又出現……第三個……三五成群一齊搬出嚟享受陽光! 仲要記得坐喺度搽吓太陽油喎……咁先似曬太陽架嘛! 曬 30-45 分鐘就齊齊扯! 當然唔可以著住件泳衣啦! 短衫短褲已經足夠啦! 趴喺度就唔好啦, 費事影響唔好! 俾人拉!? 成街無牌小販冇人拉, 街上乞衣流浪漢冇人拉, 拉曬太陽嗰啲!? 冇沙灘椅咪是但擔張櫈啦, 總之俾人感覺到你曬緊太陽就得! 享受日光浴, 做乜一定要沙灘喎, 路邊都得啊! 初步構想, 歡迎大家發表意見, 如果覺得可行嘅不如你都幫手諗吓具體點搞好? 地點又去邊好? 諗得掂嘅話理所當然成為我哋第二個任務! 如果唔掂就發揮吓你哋嘅想像力諗吓可以做啲乜添啦!! 你想像吓, 如果作為路人, 你見到咁情景嗰個樣會點? 好鬼死過癮架!!! 哈哈!!!