Wyman羨慕Swing風流
来自: 是但求其冇所谓(但愿你赞)
Wyman羨慕風流 填詞人，由Snowman開始已經合作，作品有〈大大公司〉、〈Shut up〉、〈帝國大廈〉。 「我先認識Eric Kwok，基於大家是同一間publisher，不過只限於在春茗見過面，食過餐飯咁。正式第一次合作時，他們仲叫Snowman，Eric想我幫佢填首『搞笑嘢』，其實我對『搞笑嘢』有D抗拒，在歌詞上好難work，好易變ｏ左曾志偉，雖然我都有幫過曾志偉填詞。結果我都盡量配合，填ｏ左首〈打者愛也〉。雖然首歌未算最得我心，亦不是我的風格，但都不失禮。後來他們在英皇推出一張EP《For Sale》，當時已知道Jerald打算離開娛樂圈，兩位都唔知出完呢張碟後仲有冇下一次，所以就俾ｏ左呢個概念我，令我寫出首〈大大公司〉。這是我跟Swing合作過較滿意嘅作品，更讓他們奪得第一次流行榜冠軍歌。記得我一知道上ｏ左冠軍，好開心咁打俾Eric報喜，點知佢反應係冇反應，因為佢一直都有留意播放率，一早就知會得到冠軍，當時我覺得自己好戇居。」 「睇牌面，你會覺得Eric悲觀ｄ，Jerald樂觀ｄ，其實啱啱相反。而Eric係一個比較少在交歌時會俾埋歌詞方向嘅作曲人，不過我同佢其實唔係好夾，佢交出嘅題材有近半係我覺得冇興趣或者未必適合我去做，而我哋又係好硬頸嘅人，唔容易說服到大家，所以同佢合作嘅成功率係一半半。可能佢知我係咁，到《Life Continues…》時就俾我自定題目。」 「今次重組，佢哋無形中建立出一種風流感覺，即係得閒就出嚟做張唱片，冇定幾年幾月幾日會再拆夥，冇話幾時又重聚。我哋就好似天文發燒友咁，一直等待兩粒哈雷慧星唔知幾時相遇。能夠做到咁，我都幾羨慕。」 Swing今年0既大碟有Wyman0既作品啊，期待呢个组合啊！！！！
你的回应
回应请先 登录 , 或 注册
最新讨论 ( 更多 )
- 黄伟文精选填词实体书/pdf (胡赤海塞尔)
- 听青山黛玛上头😢 (密友)
- YY Speech （黄伟文作品展阿Y说的一些话，粤语转换成国语） (enson)
- 黄伟文和林夕填词方面有哪些同与不同？ (Bartholomew)
- 【落花流水】 (无可不可)