來去台北做歌星

試聽
彼條柔情亓濁水溪 流啊流向黃昏亓溪底
hit-tiâu jiû-tsîng ê lô-tsuí-khue, lâu-ah-lâu-hiòng hông-hun ê khué-té
但是毋知按怎 不時佇阮亓夢中出現
tān-sǐ m̄-tsai àn-tsuánn, put-sî tǐ gún ê bāng-tiong tshut-hiān
敢是水就愛黏沙 抑是秋天亓菅芒 煞一場空
kám-sǐ tsuí tiō ài liâm sua, ia̍h-sǐ tshiu-thinn ê kuann-bâng suah tsi̍t-tiûnn khang
啊~阮亓故鄉踮水里 哪咧台北來做歌星
ah~gún ê kòo-hiong tiàm tsuí-lí, ná leh tâi-pak lâi tsuè kua-tshinn
啊~阮亓故鄉踮水里 猶有阮亓悲傷佮歡喜
ah~gún ê kòo-hiong tiàm tsuí-lí, iá-ǔ gún ê pi-siong kah huann-hí
阮只是 毋甘放汝 孤單一个儂 喔~
gún tsí-sǐ m̄-kam pàng lí koo-tuann tsi̍t-ê-lâng, ooh~
火車慢慢欲轉來水里 阮亓心情愈來愈輕鬆
hué-tshia bān-bān beh tńg-lâi tsuí-lí, gún ê sim-tsîng lú-lâi-lú khin-sang
因為咱亓約束 予我感覺猶有希望
in-uī lán ê iok-sok, hōo guá kám-kak iá-ǔ hi-bāng
鐵枝路邊攏是芳花 祕密花園佇阮心肝底
thih-ki lōo-pinn lóng sǐ phang-hue, pì-bi̍t hue-hn̂g tǐ gún sim-kuann-té
但是毋知按怎 汝佫佇阮亓夢中出現
tān-sǐ m̄-tsai àn-tsuánn, lí koh tǐ gún ê bāng-tiong tshut-hiān
毋知伊敢猶有想我 抑是予儂奅去 是欲按怎
m̄-tsai i kám iá-ǔ siǔnn--guá, ia̍h-sǐ hōo lâng phānn-khì, sǐ beh àn-tsuánn
風中浮動 汝亓芳
hong-tiong phû-tǎng lí ê phang
想起彼時 煞sannh著汝
siǔnn-khí hit-sî suah sannh-tio̍h--lí
啊~阮亓故鄉踮水里 哪咧台北來做歌星
ah~gún ê kòo-hiong tiàm tsuí-lí, ná leh tâi-pak lâi tsuè kua-tshinn
啊~阮亓故鄉踮水里 猶有阮亓悲傷佮歡喜
ah~gún ê kòo-hiong tiàm tsuí-lí, iá-ǔ gún ê pi-siong kah huann-hí
阮只是 毋敢想起 汝敢亦一个儂 喔~
gún tsí-sǐ m̄-kánn siǔnn-khí, lí kám ia̍h tsi̍t-ê-lâng, ooh~
火車慢慢欲轉來水里 阮亓心情愈來愈沉重
hué-tshia bān-bān beh tńg-lâi tsuí-lí, gún ê sim-tsîng lú-lâi-lú tîm-tǎng
因為咱亓約束 予我愈想心愈茫
in-uī lán ê iok-sok, hōo guá lú siǔnn sim lú bâng
火車慢慢欲駛入車站 阮亓雙跤拍結行袂振動
hué-tshia bān-bān beh sái-li̍p tshia tsǎm, gún ê siang-kha phah-kat kiânn buě tín-tǎng
看汝手牽一个お兄さん 啊彼箍到底是啥乜儂
khuànn lí tshiú khan tsi̍t-ê oniisan ah hit-khoo tàu-tué sǐ siánn-mih lâng
阮想汝 攏無注意 啊阮是紅歌星
gún siǔnn--lí, lóng bô tsù-ì, ah gún sǐ âng-kua-tshinn
火車這馬已經轉來水裡 阮亓心情煞離離落落
hué-tshia tsit-má í-king tńg-lâi tsuí-lí, gún ê sim-tsîng suah lī-lī-lak-lak
因為這號情形 汝看阮敢猶有希望
in-uī tsit-hō tsîng-hîng, lí khuànn gún kám iá-ǔ hi-bāng