马家辉悼罗志华

　　原载马家辉博客：
　　
　　http://makafai.blogspot.com/2008/02/blog-post_19.html
　　
　　
　　喂, 羅志華
　　
　　
　　有冇搞撚錯呀巴打你駛唔駛死得咁死黑色幽默?
　　你係唔係慌死大家唔記得你所以專登要搞埋0的咁0既0野?
　　你答我鴉, 喂, 羅志華。
　　
　　報紙話你在整理貨倉時被從晝架上跌落0黎0的書責死,
　　世事有冇咁巧合呀大佬真係虧你做得出來。
　　賣了幾十年書, 賣到書店執笠, 獵犬終須山上喪, 書商終被書壓死,
　　雖然命短兼命苦, 但亦算係求仁得仁死而無憾,
　　至少, 香港開埠以來, 你可能係第一個被書壓死的倒閉書商,
　　歹命如此卻又好運如此, 真是教人哭笑不得。
　　
　　0拿, 相識一場, 你都咪話我對你唔住。
　　「青文」結業當天, 門庭冷清, 只有我在下午六點趕頭趕命
　　放下手中工作趕去書店探你, 一來幫你影拆招牌的紀念相,
　　二來買回早前託你訂購卻仍未買單的書, 我是「青文」的最後一個顧客,
　　呢句話, 係你親自講0既, 我受落。
　　
　　當天進店, 你照例坐在櫃台旁面無表情地打電腦,
　　偶爾講個關於文人是非的冷笑話, 自己皮笑肉不笑,
　　滿臉瞧不起這個世界, 唯有講起太極, 精神來了, 雙眼發亮,
　　猛話要替我的版面寫一系列武術文章, 兼且要拉我倒塔咁早
　　爬起身去跟你學太極。 我擰頭耍手道, 咪搞我,
　　生有時, 死有命, 要我咁早起身我寧願早0的歸西。
　　
　　你看到了嗎, 羅志華? 你依家終於明我講乜啦?
　　0拿, 再講一次, 生有時, 死有命, 當日如果唔係書店執笠,
　　就唔會有咁多書塞嚮貨倉書架, 咁你今日就唔會被書活埋,
　　回頭細想, 執笠造就死亡, 執笠彷彿為了死亡,
　　當你以為執笠好慘, 更慘的原來尚在後頭, 人間萬事真係好撚詭異。
　　
　　拜拜啦, 羅志華。 去到天堂或地獄你應會繼續練太極,
　　唔該記住留番個 quota 俾我到時去搵你學0野,
　　係咁先啦, 你真係令我好撚沮喪在這樣的一個寒冷下午。

2008-02-25 13:56:21 lawrence (北京) 　　明報 D07 時代 欲望蜘蛛 　 　　2008-02-22 　　 　　喧囂的孤獨 　　 　　by 馬家輝 　　 　　 　　別看羅志華總是冷冷地坐在櫃台不太講話，其實他心底總是暗暗留意和雀躍於某某某來過他的「青文書屋」，所以他每次開口對我說話幾乎都是先提提「嗱，尋日阿乜水乜水啱啱嚟過」、「嗱，呢幾本書係阿邊個邊個叫我訂嘅但仲未嚟攞走」。 　　 　　語氣聽來淡然，實質充滿壓抑；壓抑了喜悅自豪的情緒，或許是喜悅於青文仍是愛書人的閒逛地，或許是自豪於青文對閱讀這回事始終有貢獻。 　　 　　羅志華發得最多牢騷的時間應是每年書展前後，總是抱怨書展刻薄小出版社和小書店，總是埋怨現場員工對參展者有多麼不近人情，講呀講的便吐出了一些平日沒有太常出現的粗口字詞。但或許他只是陪我講，真正常有怨言和牢騷的是我，真正粗口滿天飛的是我，真正有慣性狂躁症的，亦是我。 　　 　　梁文道三年前從捷克旅 行回來送我一本Hrabal 的英譯小說Too Loud A Solitude，說的是廢紙收購站的一個老工故事。在白色恐怖年代，多少經典名著被禁被查被送到收購站銷毀切碎，一位名叫漢嘉的老工人從書堆裏抽出精品，夜夜在家啃讀禁書並用啤酒陪讀，作家們才是他的朋友，陋室中，看似孤獨，但腦海裏，聲音喧囂，思辯爭論都在盤旋。 　　 　　老工漢嘉最後為了某種惆悵的理由讓自己像廢紙一樣躺在壓力機下，「在小耗子的眼睛裏我看到了比綴滿繁星的天空更多的東西，我幸福地微笑着，我開始跨進一個我還從未去過的世界，我彷彿注定要在自己製造的刑具上認識了最後的真理」。 　　 　　老工漢嘉。老闆志華。當後者躺在書堆下動彈不得時，睜開眼睛望向天花板，是否也見到滿天繁星？是否也是，唉，在自己製造的刑具上認識了最後的真理？