转：“真係被你吹涨啊！”

　　达叔反复念叨：“我中意啊，你吹得我涨咩”，真是可爱，就转一段关于吹涨的粤语节目“笑谈广州话”娱乐下
　　
　　A：各位好，你嘅节目主持人利下王。
　　B：我係夫人。
　　A：好嘞，今日要教你嘅广东话就係，嗱，若果你嚟到香港，买嗮香港啲嘢，威畀香港人睇嘅时候，啲香港人唔抵得，做出一啲令你好激气嘅事。噉样你就可以用我教你嘅广东话嘞。嗱，今日教你好激气，令到你好激气，你要话返啲人嘅，广东话係咩呢？“真係被你吹涨啊！”吖￣￣我未讲完你就答过嚟！“真係被你吹涨啊！”例子开始嘞。若果你嚟到香港，有一个人喺街度，突然间问你借电话。咁你借畀佢啦。佢攞咗你部电话之后呢，突然间向天一指，大叫：“哗！大鹏展翅！”咁你一望，咩都冇！正想讲嗰句：“真係被你吹涨啊！”嘅时候，一望返佢，佢揸住电话嗰只手，居然变咗支雪条！咁你就问佢啦，喂，我部电话呢？佢竟然话：“冇啊￣￣唔知你讲乜！”噉呢，佢仲话报警拉你添。你就可以忍痛咁讲：“真係被你吹涨啊！”点知再望真啲嗰个骗徒，诶￣￣原来係自己个同鄉！原来呢佢落咗嚟香港揾食。同你倾开，话你知，佢宜家做紧骗徒。专呃啲蠢仔嘅电话，然后卖返上去大陆嘅。咁你问佢，喂，咁你攞返個电话嚟啦噉。佢就话，冇啊！冇偷你啊！咁你喺呢個时候就可以尽力大嗌：“真係被你吹涨啊！”佢仲话佢唔会呃啲同鄉嘅。然之后指一指个天，大嗌：“大鹏展翅啊！”你一望，佢已经走到无影无踪嘞。咁你就可以大叫：“真係被你吹涨啊！”走咗好远嘎嘞，嗌咁大声都冇用。细声啲嘞：“真係被你吹涨啊！”细声啲都得啊，讲畀自己听顺咋：“真係被你吹涨啊！”咁就当自己黑仔啦。行咗一阵街，返返转头，又见到佢企喺度！仲猛叫人望個天睇大鹏！咁你就指住個天大嗌：“真係被你吹涨啊！”点知真係有只大鹏喺度喎，咁你就讲嘞：“真係被你吹涨啊！”点知第二日，你经过手机铺头，望入厨窗，见到自己部手机就摆咗喺嗰度！剩係换咗個scream，加咗啲莹光闪灯，同埋换咗個壳！标价呢只係四舊（四百块）。你见佢搞咗咁多花sen都咁平，你就指住部手机大叫一句：“真係被你吹涨啊！”既然咁抵，咁梗係落到嚟香港冇咩买过嘢，咁谂住买返几部手机啦。個老势见你喺上面落嚟嘅，立即想捞返笔。坐地起价，佢话畀你听，嗰部手机呢，刘德华用过嘅。你明知部手机係自己嘅，咩刘德华嗟！咁就可以指住個老势讲嘞：“真係被你吹涨啊！”好嘞，又係时候呢教啲进修班嘞。如果一般情况，你好激气嘅话就会用：“真係被你吹涨啊！”但係你如果遇到啲特别嘅情况呢，就可能有啲变化嘞。例如：你上個礼拜睇波，你估唔到最后真係被希腊呢抨走咗欧洲国家杯，咁喺呢個时候，由于你睇紧波，係被波激亲，噉你就可以讲：“真係被你吹涨波啊！”係嘞。原来呢就係：“真係被你吹涨啊！”改成：“真係被你吹涨波啊！”又或者你食自助餐，一去到间五星级的酒店，谂住可以食餐饱。点知，喺食嘅时候，個胃滞住滞住食极都食唔落。喺呢個时候，本来你应该讲：“真係被你吹涨啊！”就指住個胃，变成：“真係被你吹涨胃啊！”又或者你去到CD铺，谂买只莫文蔚嘅CD，点知一個唔觉意买错咗莫少聪，喺呢個时候你可以指住阿莫少聪大叫：“真係被你吹涨莫啊！”讲多次！“真係被你吹涨莫啊！”好嘞，嚟一次复习。如果被波激亲就大叫：“真係被你吹涨波啊！”被個胃激亲呢？“真係被你吹涨胃啊！”被莫少聪激亲呢？“真係被你吹涨莫啊！”哗，三个一齐激你呢？“真係被你吹涨莫卫波啊！”讲多次：“真係被你吹涨莫卫波啊！”好嘞，当然三个一齐激嬲你嘅情况比较少见，但如果有嘅话记住，唔好放过呢個机会教、学，唔係，讲我教你嘅呢句广东话：“真係被你吹涨莫卫波啊！”好嘞，相信大家都知道呢句广东话点用嘞。下个礼拜再见。

1人推荐   

2008-02-10 20:57:30 艾星星 　　……完全看不懂，，粤语水平太低了偶 > 删除

2008-02-10 21:03:28 frankie 　　好壮观,不用这样折磨自己 　　多看星爷的片子就行啦 > 删除

2008-02-11 00:55:53 艾星星 　　吹得我涨咩 到底应该如何翻译成普通话列？ > 删除

2008-02-11 00:57:03 艾星星 　　貌似我 赌侠我看过粤语版的 没看过普通话版的 ，所以一直不知道如何翻译这句 > 删除

2008-02-11 09:07:25 frankie 　　翻译为:你能把我吹涨起来吗? > 删除

2008-02-11 19:59:24 艾星星 　　……多谢楼上的，，如果能看懂犀牛发的帖子估计能更确切知道笑点在哪里，，， > 删除

2008-02-11 20:04:38 frankie 　　我觉得一点都不好笑 > 删除

2008-02-11 20:14:20 艾星星 　　嘿咩？ > 删除

2008-02-11 20:15:37 frankie 　　尤其係黎一句：吹得我涨咩 　　 > 删除

2008-02-15 10:31:30 艾星星 　　呵呵，，昨天看了粤语版《cj7》，里面小狄也说了一句：吹得我涨咩！ 　　 　　感觉好亲切啊，想起了达叔， > 删除