我們的50經典唱片（香港）

来自: neongod (Amsterdam)
创建时间: 2009-09-10 03:53:18　最后修改时间: 2009-09-10 23:04:27

　　評選主腦
　　著名樂評人馮禮慈：選經典要過5關
　　準則如下：
　　1.超勁受歡迎。這類作品因影響了所有香港人，必入圍！
　　2.有歷史價值。只要在樂壇中有其歷史意義，要選！
　　3.音樂水準高超、有突破性。即使不是超勁受歡迎之作，都要選！
　　4.High與Cheap都選。無分彼此，只要有重要性，就選！
　　5.只選流行樂作品。
　　mcb online主編袁智聰：Indie最合我口味
　　客觀而言，必要有劃時代意義、唱片要記載到當時代鮋聲音同背景，同時要講求音樂上的創意，可帶畀樂迷新鮮元素。主觀地揀，「我對林子祥有特別的情意結，自小就鍾意，他的唱片同當時的唱片好與別不同！另外我會揀盧冠廷最登峰造極的唱片，而80年代樂隊的Movement帶畀樂壇好大衝擊……」
　　音樂文化人黃志淙：經典係聽番仍感動
　　「經典係10年、20年聽番重有新鮮感同感動，揀碟都會睇纒有冇大氣候或小故事或歌手性格或音樂上歷史意義。如果有一間流行曲博物館，呢批碟一定可以進入殿堂……80年代係奠定廣東流行曲的基石，譚詠麟、張國榮和梅艷芳都係一個指標，一定會揀！我的DJ生涯在85、86年起步，見證住達明一派、Beyond等一齊成長，個人情懷都會揀他們。」
　　電台節目主持人芝See菇Bi：成長期的私家歌
　　「所有碟排名不分先後，要分不如殺鰦我！因為聽開外國音樂大，唔會揀Classic Canton Pop。今次揀的碟反映我不同階段由童年至青少年，全是鍾意聽而唔係鍾意播的歌，係拎返屋企靜靜聽那種……所以唔會特登揀唱歌造詣高的人，主要係無意識咁鍾意了，唔係Reflect成個唱片工業。」
　　仰止：粵語唱片愈出愈水皮
　　對朋友說少聽粵語歌唱片是因為自己興趣太廣，甚麼歌都聽，若連粵語歌都聽埋，咁就真係仆街咯！其實稍為有腦的都知我講廢話，事實係擺明歧視，你可以去平機會告我。90年代末有心人用各種方法重構香港歷史，有些明明好雞的文化作品，被抹上歷史油漆，忽然光鮮起來。我覺得重構不代表粉飾，垃圾始終係垃圾，粵語歌唱片愈出愈水，不要賴甚麼老翻啦，搞好自己先啦！
　　
　　我們的真經典……
　　Sonia：《寶麗金真開心精選》
　　有好多個系列，可以一次過聽晒鱓好歌。
　　Jerry：譚詠麟《愛在深秋》
　　由細陪到我大，一定揀佢！
　　Ken：Beyond
　　Beyond任何一張唱片，因為歌好聽。
　　阿東：Beyond《海闊天空》
　　家駒的臨別之作嘛！
　　火神：陳奕迅《The Line Up》
　　隻碟做得好好，歌詞好正！
　　Kary：張國榮《Monica》
　　襟聽，百聽不厭，曲詞易上口、勵志。
　　阿蚊：楊千嬅《狼來了》
　　佢第一隻碟嘛！我好鍾意佢。
　　阿V：李克勤《紅日》
　　第一時間諗起《紅日》啦！首歌好Positive，隻碟代表性好大。
　　Joan：張國榮《風繼續吹》《Monica》、《大熱》
　　他死後先至做佢歌迷，歌聲傳到Feel。
　　阿震：王菲《矜持》
　　女歌手中唱腔最好，歌詞得，有Feel。
　　阿Man：羅文《「俄羅斯」創世紀音樂會》
　　歌詞有意思，展現唱家班實力。
　　John：陳奕迅《天佑愛人》
　　隻隻歌都可以做主打歌，好正。